Feed

Entrega de premios do E TI QUE SABES?

Posted on Maio 22nd, 2012 in Concursos e certames,Letras Galegas by ENDL
        Laura, Nahima e Paula

        Laura, Nahima e Paula

        Marta, Miguel e Jose

        Marta, Miguel e Jose

        Nuria, Carlota e Alba

        Nuria, Carlota e Alba

O mércores 16 de maio os do ENDL entregamos os premios ás gañadoras e mais aos finalistas do concurso cultural            E TI QUE SABES?
Como xa sabedes, a última das probas que tiveron que realizar, tras resolveren con éxito as preguntas sobre Música, Literatura, Xeografía e Historia, consistiu na elaboración dun cómic sobre a vida do autor homenaxeado este ano no  Día das Letras Galegas: Valentín Paz Andrade.
Aos membros do Equipo non nos resultou nada doada a decisión final, pois os tres traballos son dunha calidade e factura extraordinarias. E xustamente por iso, porque son pequenas obras de arte, subímolas hoxe ao blog para compartilas con todos vós. Só tedes que clicar co rato en cada un dos premios para poder visualizalas.
Moitas grazas aos equipos finalistas e a todos os que participaron no concurso. Vémonos na vindeira edición.

 

1º PREMIO: PAULA COBO, NAHIMA GARRIDO E LAURA REDONDO

2º PREMIO: MARTA CARREGAL, JOSE LÓPEZ E MIGUEL TOMÁS

3º PREMIO: CARLOTA CARREGAL, NURIA PÉREZ E ALBA REY

 

 

“Con lume no peito”. Premio para os EDNL

Posted on Maio 9th, 2012 in Novas by ENDL

Os do ENDL estamos de noraboa, pois o pasado sábado 5 de maio a Asociación de Escritoras e Escritores en Lingua Galega entregou os seus Premios AELG 2012 o galardón destinado a Institucións que se caracterizan pola súa contribución á divulgación da literatura galega en diferentes ámbitos sociais, foi, por decisión unánime, para o labor colectivo desenvolvido polos Equipos de normalización lingüística dos centros de ensino e mais os Servizos de normalización dos concellos.

Como a magnitude do  traballo desenvolvido nos diferentes Equipos e a implicación de tantas persoas  non permiten o recoñecemento individualizado, acordouse que recollera simbolicamente este premio Agustín Fernández Paz,  escritor que dedicou unha parte moi importante da súa vida a traballar para avanzar no lento progreso normalizador. Se queredes ler o discurso que pronunciou en agradecemento e representación de todos e cada un de nós, clicade enriba da imaxe do premio.

 

ESTE PREMIO É PARA TODOS E CADA UN DOS MEMBROS DESTE EQUIPO QUE CADA DÍA NOS ILUSIONADES COS VOSOS TRABALLOS E ESFORZOS E QUE SODES O PRESENTE E O FUTURO DA LINGUA. GRAZAS con lume no peito e cun enorme sorriso nos beizos!