Feed

VIDEOCONFERENCIA DO DÍA DA CIENCIA EN GALEGO

Posted on Novembro 8th, 2012 in Galego e Ciencia by ENDL

O pasado martes 6 de novembro os alumnos de 1º de bacharelato A e B asistimos a unha videoconferencia en celebración do Día da Ciencia e a Tecnoloxía en Galego 2012.

O nome da videoconferencia foi “Facendo Física de Partículas polo mundo” e os físicos que nola deron foron:

* Patricia Conde. Investigadora no LIP de Lisboa. Física do experimento ATLAS do CERN.

* Olalla Castro. Profesora no City University en Londres. Investiga en Teoría Cuántica de Campos.

* Abraham Gallas. Investigador no CERN e na USC. Físico do experimento LHCb do CERN.

* Carlos Salgado. Investigador no CERN e na USC. Investiga o estado da materia nos primeiros instantes do Universo.

* Cibrán Santamarina. Profesor da USC. Traballa no experimento LHC do CERN.

Na videoconferencia, que durou unha hora (de 12:30 a 13:30), participamos sobre uns 90 centros de toda Galicia, e estaban incluídos varios de Vilagarcía de Arousa.

Primeiro presentáronse e resumíronnos a súa traxectoria académica e laboral, dicíndonos ao que se dedican actualmente. Foi un orgullo para nós saber que dous galegos, Patricia e Cibrán, participaron no descubrimento do Bosón de Higgs xa que forman parte do equipo de físicos que levan a cabo esta investigación e que pertence ao CERN.

Pareceunos interesante saber sobre isto e ademais ao rematar as explicacións permitiron facerlles preguntas tanto sobre física como da vida persoal. A videoconferencia seguiuse en twitter cos hastag #cienciaetecnoloxiaengalego e #CERNgalego a través dos cales atenderon a máis das nosas preguntas xa rematada a videoconferencia.

Cremos que é unha actividade que se debería realizar todos os anos, xa que ademais de descubrirnos cousas novas sobre a ciencia, anímannos a estudar en Galicia e en galego coa posibilidade de chegar tan lonxe coma eles.

Aquí deixamos un vídeo sobre que é o Bosón de Higgs:

Animámosvos a que comentedes o que queirades sobre a videoconferencia e a que compartades a vosa opinión.

Óscar Ríos e Belén Suárez, 1º bach A

ELES XA O FALAN. E TI?

Hoxe queremos compartir convosco no blog o testemuño e a experiencia de varios mozos e mozas que falan o noso idioma. Se é certo iso que pensades de que o galego só se fala aquí e, para sermos exactos, basicamente nas aldeas, daquela… vaia nomes máis raros lles puxeron os seus pais a algúns destes pobres paisaniños e paisaniñas! Como dirían as avoas, “quedoulles a cabesa descansada”.

En realidade, poida que, se cadra, talvez, probabelmente, quen sabe, algúns destes mozos e mozas naceran nunha aldea. O que si temos claro é que, de ser así, esa aldea énos ben, ben remota…

Se queredes escoitalos e coñecelos clicade en cada un dos seus nomes.Certamente, paga a pena.

_ Daria Shornikova

_ Wiktoria Grygierzec

_ Arif Budiman

_ Paulina Ceremuzynska

_ Sara Ardovini

_ Zuzana Pesselová

_ Carlos Aranda

_ Estefanía Prieto

_ Veronika Gergely

_ Joana Stankiewick e Maria Boguszewick

_ Unha tropa de louros, altos e coloradiños

E para a xente madura, isto é, os profes e profas, tamén temos bos exemplos que darlles. A verdade é que este que traemos aquí vénnos que nin pintado pois, a piques de celebrarmos o Día da Ciencia en Galego (4 de novembro) damos boa mostra de que entre a Química e o Galego hai, nunca mellor dito, moi boa química. Así que…, o dito. Arreando, que hai para tod@s!